Еңбек өтілім 30 жыл. Педагог-зерттеуші санатындағы тарих пәні мұғалімі боламын. Мектепті 1979-1989 жылдар аралығында оқып бітіріп, 5 жыл жоғары оқу орнында оқығанмын. Мектеп оқушысы кезінде де, студент кезімде де қоғамдық жұмысқа өте белсенді қатысатын болғанмын. Үнемі ұстаздар алғыс айтып жүретін. Сол дәстүр бүгінгі күнге жалғасып әлі де үлгілі ұстаз атанып жүрген жайым бар. Жас мамандарға тәлімгерлік жасап, көмек көрсетемін. Оқытып шығарған түлектерімнен және олар оқып жатқан оқу орындарынан "Алғыс хат" келіп тұрады. Отабылық жағдайыма келетін болсам, тұрмыс құрғанмын. Жұбайым өте сабырлы, салмақты, әйел затына құрметпен қарайтын азамат. Бір қыз, екі ұлым бар. Қызым тұрмыс құрған, үш перзенті бар. Өзі медицина қызметкері. Үлкен ұлым әскерде, өз азаматтық борышын өтеуде. Кіші ұлым мектепте 11 сынып оқушысы. Үйде жасы 75 келген қария анамыз бар. Кіші ұлым менің мықты көмекшім. Қолынан барлық іс келеді. Заман талабына сай бүгінгі күн талабымен қосымша жұмыс жасағанды ұнатып, қолға алсам деген ойым бар. Адамда талап пен мақсат болса, жұмыс істегеннің ұяты жоқ. Қолымнан келетін жұмысты жасаған дұрыс деп есептеймін. Әр істі бастап, шала-шұрпы тастап кеткенді ұнатпаймын. Қарапайым, кішкентай, аз жұмыс болса да сапалы, әдемі, көркем етіп жасағанды ұнатамын. Мұғалім болғандықтан педагогтардың жұмыстарын, студенттер жұмыстарын және қажет болса оқушылар жұмыстарын атқара алатыныма сенімдімін. Мен қазақ тіліндегі кез-келген мәтінді, әңгімені, эссені қатесіз, сауатты жаза аламын. Эссе немесе реферат жазуға тіл байлығым жетеді. Диплом жұмыстарын да орындай аламын. Жас кезімде секретарь-машинистка қызметін жасағандықтан тексті өте жылдам жаза аламын. Сондай-ақ, қолмен жазылған кез-келген почеркті оңай түсініп жазып бере аламын. Тапсырыс берушінің талабын жауапкершілікпен орындау басты мақсатым.